راولپنڈی(نیوزڈیسک) ہم اپنی قوم کے خادم ہیں، پاک فوج آج بھی ان کی خدمت میں مصروف جن کو سب بھلا بیٹھے ہیں،کچھ عرصہ پہلے آئے دن تھر میں ہلاکتوں کی خبریں آرہی تھیں پھر آہستہ آہستہ ان خبروں کا سلسلہ تھم گیا اور سب بھلا بیٹھے کہ تھر کے رہنے والوں پر کیا گزر رہی ہے لیکن سلام ہے پاک فوج پر جو آج بھی تھر کے عوام کی فلاح و بہبود کے لئے سرگرم عمل ہے ،پاک فوج کی جانب سے تھر متاثرین کیلئے میڈیکل اورامدادی کیمپ قائم کیا گیا، پانچ ہزارمتاثرہ خاندانوں کا میڈیکل چیک اپ اور اکیاون ٹن راشن تقسیم کیا گیا۔ تفصیلات کے مطابق پاک فوج کی جانب سے ضلع تھرپارکر کی دوتحصیلوں نگر پارکر اورچھاچھرومیں کیمپ قائم کیے گئے،امدادی اور میڈیکل کیمپ میں پاک فوج کے پیرا میڈیکل اسٹاف نے مفت دوائیاں اور راشن تقسیم کیا،متاثرین کا میڈیکل چیک اپ اورکھانے پینے کی سہولیات کے ساتھ ساتھ پاک فوج انتظامیہ کی مدد میں پیش پیش رہی ، صحرائے تھرمیلوں کے فاصلوں پرمتاثرین میں کم و بیش پانچ ہزارمتاثرہ خاندانوں کو اکیاون ٹن راشن کی فراہمی یقینی بنائی گئی۔جس کیلئے پاک فوج کی جانب سے ہیلی کاپٹرزسمیت ہرقسم کے وسائل استعمال کئے گئے