اسلام آباد (نیوزڈیسک) وزیر اعظم نواز شریف (آج) منگل کو تاجکستان کے دو روزہ دورے ہر روانہ ہوں گے جہاں وہ دارالحکومت دو شنبے میں منعقد ہونے والی ایک عالمی کانفرنس واٹر فار لائف میں پاکستان کی نمائندگی کریں گے۔دفتر خارجہ کے ترجمان کے مطابق، وزیر اعظم نواز شریف (آج) منگل سے اپنے تاجک ہم منصب کی دعوت ہر تاجکستان کا دورہ کررہے ہیں وزیر پانی و بجلی خواجہ آصف، اور مشیر خارجہ سرتاج عزیز بھی وزیر اعظم کے ہمراہ دو شنبے جائیں گے۔ کانفرنس میں پانی سے متعلق دہائی کیلئے مقررکردہ اہداف پر بھی غور ہوگا، وزیر اعظم اپنے تاجک ہم منصب سے ون آن ون اور وفود کی سطح پر مذاکرات کریں گے، وزیر اعظم نواز شریف تاجکستان کے صدر سے ملاقات کریں گے۔