اسلام آباد(نیوز ڈیسک) گلگت بلتستان قانون ساز اسمبلی کے انتخابات کیلئے پولنگ کا وقت ختم ہوگیا ہے اور گنتی کامرحلہ جاری ہے ، غیر سرکاری ابتدائی نتائج کے مطابق سکردوکے حلقہ 11کمنگوگونڈ میں میموش پولنگ سٹیشن سے ن لیگ کے اقبال حسن 280ووٹ لے کر آگے اور تحریک انصاف کے امجد زیدی249ووٹوں کیساتھ دوسرے نمبر پر ہیں، گلگت میں جی بی ایل اے 17سے پی ٹی آئی ڈاکٹر زمان740ووٹوں کیساتھ پہلے جبکہ جے یوآئی ف کے عبدالخالق 670ووٹوں کیساتھ دوسرے نمبر پر ہیں۔ ہنزہ نگر سے پی پی کے ظفر اقبال آگے ہیں ، اسی طرح دیامیر کے حلقہ 16 شاہین پولنگ سٹیشن سے آزاد امیدوار عبدالعزیز102ووٹوں کیساتھ آگے ہیں۔ووٹنگ کا عمل بغیر کسی وقفے سے جاری رہا ۔مجموعی طور پر ماحول پرامن رہا