دوران کرنٹ اکاﺅنٹ خسارہ 2.9 ارب ڈالر رہا تھا جو رواں مالی سال میں جولائی تا اپریل 2014-15ءکے دوران 1.4 ارب ڈالر تک کم ہونے کی توقع ہے۔ اسی طرح رواں مالی سال میں جولائی تا اپریل 2014-15ءکے دوران تجارتی خسارہ 476 ملین ڈالر تک کم ہو گیا اور اس دوران 20.2 ارب ڈالر کی برآمدات کی گئیں اور ملکی درآمدات میں بھی گزشتہ مالی سال کے مقابلہ میں 528 ملین ڈالر کی کمی واقع ہوئی اور رواں مالی سال کے دوران خدمات کے شعبہ کی برآمدات میں 19.5 فیصد کا ریکارڈ اضافہ ہوا ہے۔وفاقی وزیر خزانہ سینیٹر اسحق ڈار نے کہا کہ گزشتہ چھ سال کے دوران ترسیلات زر میں 19 فیصد کی شرح سے اضافہ ہوا ہے جبکہ جولائی تا اپریل 2014-15ءکے دوران ترسیلات زر 15 ارب ڈالر تک بڑھ گئیں جو گزشتہ مالی سال کے اسی عرصہ کے دوران 12.9 ارب ڈالر تھیں۔ اقتصادی سروے رپورٹ کے مطابق رواں مالی سال میں گزشتہ مالی سال کے مقابلہ میں بیرون ملک مقیم پاکستانیوں کی جانب سے بھیجی گئی ترسیلات زر 16.1 فیصد کا اضافہ ہوا ہے اور متحدہ عرب امارات سے بھیجی جانے والی ترسیلات زر کی شرح میں 34.1 فیصد، سعودی عرب سے 19.9 فیصد اور دیگر خلیجی ریاستوں سے بھیجی گئی ترسیلات زر کی شرح میں گزشتہ مالی سال کے مقابلہ میں 14.7 فیصد کا اضافہ ہوا ہے جبکہ رواں مالی سال کے دوران یورپی یونین کے ممالک میں مقیم پاکستانیوں کی طرف سے پاکستان میں بھیجی گئی ترسیلات زر میں 15.9 فیصد کمی واقع ہونے کے باوجود ترسیلات زر کی شرح میں گزشتہ مالی سال کے مقابلہ میں 16 فیصد سے زائد کا اضافہ انتہائی خوش آئند ہے۔