لاہور(نیوزڈیسک) سانحہ ماڈل ٹاون کی تحقیقات کے لئے قائم مشترکہ تحقیقاتی ٹیم نے تفتیش مکمل کرتے ہوئے رپورٹ حکومت کو بھیج دی جس میں وزیراعظم، وزیراعلی پنجاب اور سابق وزیرقانون پر الزامات ثابت نہیں ہوسکے۔ایک نجی ٹی وی کے مطابق سانحہ ماڈل ٹاو¿ن کی مشترکہ تحقیقاتی ٹیم نے واقعے کی تحقیقات کے بعد وزیراعظم نواز شریف، وزیراعلی پنجاب شہباز شریف اور سابق وزیرقانون کو کلین چٹ دے دی اور رپورٹ میں ایس پی سیکیورٹی سلمان خان اور 10 پولیس اہلکاروں کو واقعے کا ذمہ دار قراردیا ہے۔رپورٹ میں کہا گیا ہے کہ صوبائی حکومت کی جانب سے منہاج القرآن کے باہر سے ٹی ایم اے اور پولیس کو تجاوزات ہٹانے کے سوا کوئی دوسرا حکم نہیں دیا گیا۔ رپورٹ کے مطابق 15 جون 2014 کو عوامی تحریک کے 2 سے 3 ہزار کارکنان کا تصادم ہوا جب کہ دونوں پارٹیوں نے ایک دوسرے پر فائرنگ اور پتھراو¿ بھی کیا۔