اسلام آباد(آن لائن) پاکستان پیپلز پارٹی نے اپنے دور حکومت میں صحافیوں اور میڈیا ہاﺅسز میں 48 کروڑ روپے تقسیم کئے تھے ۔ اس بات کا انکشاف آڈٹ رپورٹ 2011-12ءمیں ہوا جو پبلک اکاﺅنٹس کمیٹی میں جمع کرادی گئی ہے ۔ پی اے سی کے سربراہ سید خورشید شاہ ہیں ان کی انصاف پسندی اور اصولی سیاست کا بھی کڑا امتحان ہے کہ وہ کس طرح اپنی پارٹی کو انصاف کے کٹہرے میں لائیں گے ۔ آن لائن کو ملنے والی دستاویزات میں یہ انکشاف ہوا ہے کہ زرداری دور حکومت میں وزیر اطلاعات و نشریات قمر زمان کائرہ اور فردوس عاشق اعوان نے صحافیوں اور میڈیا ہاﺅسز میں 48 کروڑ روپے قواعد و ضوابط کی دھجیاں بکھیرتے ہوئے تقسیم کئے تقسیم میں چند اشتہاری کمپنیوں کو استعمال کیا گیا تھا زرداری حکومت نے سپریم کورٹ میں حلف دے کر بیان دیا تھا کہ وزارت اطلاعات و نشریات خفیہ طریقہ سے صحافیوں میں رقوم تقسیم نہیں کیں لیکن اب ان کے جھوٹ کو آڈٹ رپورٹ نے غلط ثابت کردیا ہے رپورٹ میں کہا گیا ہے کہ وزارت اطلاعات ونشریات نے کروڑوں روپے تقسیم کئے ہیں جو کہ وزارت خزانہ کی اجازت کے بغیر کئے گئے تھے ۔
مزید پڑھیے:امریکی مسلمان رئیس کی ایک گورے کو دی گئی معافی نے نئی تحریک کو جنم دیا
