نئی دہلی(نیوزڈیسک)پاکستان کے سابق صدر پرویز مشرف کے کارگل جنگ پر کیے گئے تبصرے بھارتی وزیر جیتیندرا سنگھ آگ بگولہ ہوگئے تفصیلا ت کے مطابق گزشتہ ہفتے ریٹائر جنرل پرویز مشرف نے آل پاکستان مسلم لیگ کے یوتھ ونگ کے ایک پروگرام سے خطاب کرتے ہوئے کہا تھا کہ 1999 میں ان کی کمانڈ میں فورسز نے کارگل جنگ کے دوران بھارتی فوجوں کو بڑے نقصان سے دوچار کیا تھاپرویز مشرف کا کہنا تھا کہ ’میں نہیں سمجھتا کہ بھارت اس 3 ماہ طویل کارگل جنگ کو کبھی بھول پائے گا جس میں ہماری بہادر فوج نے انہیں گردن سے پکڑ لیا تھا۔سابق آرمی چیف کا کہنا تھا کہ پاکستان فوج کے جوانوں نے ہندوستانی فوجوں کو حیران کرتے ہوئے کارگل میں گھیر لیا تھا۔پرویز مشرف کے اس تبصرے پر بھارت کے اسٹیٹ منسٹر جیتیندرا سنگھ نے کہا کہ کارگل جنگ سے پہلے اور بعد میں دنیا کو بھارت کی طاقت کا اندازہ ہوگیا تھا۔بھارتی نشریاتی ادارے دور درشن کے مطابق وزیر نے کہا کہ دنیا ہندوستان کو عالمی طاقت کے طور پر دیکھتی ہے۔