راولپنڈی (نیوزڈیسک) چیف آف آرمی سٹاف جنرل راحیل شریف نے کہا ہے کہ دہشت گردوں کے بڑی تعداد میں دور افتادہ علاقوں کو صاف کر دیا .ہماری فوج کا شمار دنیا کی بہترین افواج میں ہو رہا ہے . قوم کو بڑا فخر ہے .ہمیں کثیرجہتی چیلنجوں سے نمٹنے کیلئے زمانہ امن میں سخت تربیت جاری رکھنی چاہئے۔ وہ پیر کو کھاریاں میں چوتھی آرمی فزیکل ایجیلٹی اینڈ کمبیٹ ایفیشنسی سسٹم (پی اے سی ای ایس) چیمپئن شپ کی اختتامی تقریب کے موقع پر افسران اور جوانوں سے خطاب کررہے تھے آرمی چیف نے ونر اور رنر اپ ٹیموں میں ٹرافیاں اور بہترین انفرادی کارکردگی پر میڈلز دیئے۔ نیک محمد متین کو پی اے سی ای ایس چیمپئن شپ 2015ءکا مجموعی بہترین کھلاڑی قرار دیا گیا . سپاہی حفیظ اللہ داد، نیک محمد متین، گنر سکندر حیات، سپاہی نوید اشرف اور نائیک قاسم علی نے متعلقہ کمبیٹ ایفیشنس ٹیسٹ میں پہلی پوزیشن حاصل کی۔ آرمی چیف نے کہا کہ ہمیں کثیرجہتی چیلنجوں سے نمٹنے کیلئے زمانہ امن میں سخت تربیت جاری رکھنی چاہئے۔ انہوں نے نئے فزیکل سٹینڈرڈز کے مقاصد پر اپنے اطمینان کا اظہار کیا جو اس نئے فٹنس نظام کے ذریعہ حاصل کئے گئے ہیں اور یہ مستقبل کے جنگی ماحول کیلئے اہمیت کے حامل ہیں۔ قبل ازیں کھاریں پہنچنے پر بری فوج کے سربراہ کا استقبال کور کمانڈر 1 کور لیفٹیننٹ جنرل میاں محمد ہلال نے کیا۔