اسلام آباد(نیوز ڈیسک)خیبر ایجنسی کی وادی تیراہ میں سیکیورٹی فورسز نے شدت پسندوں کے ٹھکانوں پر جیٹ طیاروں سے بمباری کی جس میں 34دہشت گردہلاک ہوگئے۔کارروائی میں چھ ٹھکانے تباہ ہوگئے۔ سیکورٹی ذرائع کے مطاق آپریشن خیبر 2 کے دوران وادی تیراہ میں شدت پسندوں کے ٹھکانوں پر سیکورٹی فورسز نے جیٹ طیاروں سے بمباری کی۔کارروائی میں کالعدم لشکر اسلام اور تحریک طالبان کے ٹھکانوں کو نشانہ بنایا گیا۔ بمباری سے چھ ٹھکانے تباہ ہوگئے۔ بمباری سے کالعدم لشکراسلام اور تحریک طالبان کے 6ٹھکانے تباہ کردیئے گئے۔ ہلاک دہشتگردوں کاتعلق کالعدم تحریک طالبان اورلشکر اسلام سے ہے۔