اسلام آباد(نیوز ڈیسک) سانحہ یوحنا آباد کے خلاف لاہور ، فیصل آباد، گوجرانوالہ سمیت پنجاب کے مختلف شہروں میں مسیحی برادری سراپا احتجاج ، لاہور میں فیروز پور روڈ بلاک ، میٹرو بس سروس پھر بند کر دی گئی۔ ، یوحنا آباد میں مظاہرین ایک مرتبہ پھر سڑکوں پر نکل آئے اور انہوں نے فیروز پور روڈ بلاک کر دی ،مظاہرین میٹرو بس روٹ پر پہنچے اور بحال کی جانے والی میٹروبس سروس روک دی ادھر مسیحی برادری نے بھٹہ چوک میں بھی احتجاج کیا ہے۔ مظاہرین نے بھٹہ چوک سے ائیرپورٹ کی طرف جانے والے راستے بند کر دئیے جس کے باعث بھٹہ چوک میں گاڑیوں کی لمبی قطاریں لگ گئیں گلبرگ میں عیسائی برادری نے واقعے کے خلاف احتجاج کیا۔ مظاہرین نے دہشتگردی کے واقعات کے خلاف شدید نعرے بازی کی۔ مظاہرین نے مکہ کالونی گلبرگ سے فردوس مارکیٹ تک ریلی بھی نکالی۔ صبح بحال کی جانے والی میٹرو بس سروس بھی بند کر دی گئی، گلبرگ میں ریلی بھی نکالی گئی۔