لاہور ( نیوز ڈیسک) لاہور ہائیکورٹ میں گھی کے مصنوعی بحران کے خلاف ڈی سی او لاہور اور پنجاب حکومت کے سئینر نمائندوں کو 27 مارچ کو طلب کرلیا۔ لاہور ہائیکورٹ کے جسٹس شجاعت علی خان نے کیس کی سماعت شروع کی تو عدالت کے روبرو درخواست گزار کے وکیل نے موقف اختیار کیا کہ پنجاب حکومت نے گھی کی فی کلو قیمت میں کمی کی تو مافیا نے مصنوعی بحران پیدا کر دیا جس سے عوام کو سستی اشیاء کی فراہمی میں شدید مشکلات کا سامنا کرنا پڑ رہا ہے جبکہ حکومت بھی اس مصنوعی بحران کے ذمہ داروں کیخلاف کوئی کارروائی نہیں کر رہی۔ جسٹس شجاعت علی خان نے دائر درخواست پر ڈی سی او لاہور اور پنجاب حکومت کے سئینر نمائندوں کو 27 مارچ کو طلب کر لیا۔