ملیحہ لودھی اقوام متحدہ میں مستقل مندوب کا چارج سنبھالنے امریکہ پہنچ گئیں

  جمعرات‬‮ 26 فروری‬‮ 2015  |  10:30

نیویارک(نیوز ڈیسک) اقوام متحدہ میں پاکستان کی نئی مستقل مندوب ملیحہ لودھی نے عہدے کا چارج سنبھالنے امریکہ پہنچ گئیں،نامزدگی کی دستاویزات(آج) اقوام متحدہ کے سیکرٹری جنرل کو پیش کئے جانے کا امکان۔تفصیلات کے مطابق گزشتہ روز ملیحہ لودھی اقوام متحدہ میں پاکستان کی مستقل مندوب کا چارج سنبھالنے امریکہ پہنچیں تو نیویارک میں پاکستان کے قونصل جنرل راجہ علی اعجاز اور دیگر سفارتی اہلکاروں نے ان کا استقبال کیا۔ملیحہ لودھی (آج) اپنی نامزدگی کی دستاویزات اقوام متحدہ کے سیکرٹری جنرل کو پیش کریں گی۔انھیں مسعود خان کی ریٹائرمنٹ پر وزیر اعظم نواز شریف نے اقوام متحدہ میں پاکستان کی مستقل مندوب کی حیثیت سے تعینات کیا تھا۔ملیحہ لودھی دو بار امریکہ میں پاکستانی سفیر اور برطانیہ میں ہائی کمشنر رہ چکی ہیں۔ وہ لندن اسکول آف اکنامکس کی گریجویٹ اور ہارورڈ یونیورسٹی انسٹیٹوٹ آف پالیٹکس کی فیلو رہی ہیں۔انھوں نے واشنگٹن کے معروف وڈرو ولسن سنٹر میں بھی بطور اسکالر کام کیا ہے۔صدارتی ایوارڈ یافتہ، ملیحہ لودھی پاکستان میں انگریزی روزنامے دی نیوز کی ایڈیٹر بھی رہ چکی ہیں، اور ان دنوں اسلام آباد کی نیشنل ڈیفنس یونیورسٹی کی سینیٹ کی رکن، اور لندن کے انسٹیٹوٹ آف اسٹرٹیجک افئرز کی ایڈوائزری کونسل کی رکن ہیں۔



زیرو پوائنٹ

یہ بھی پاکستان ہے

یہ تین لوگوں کی تین کہانیاں ہیں‘ میں جب ان تینوں لوگوں سے متعارف ہوا‘ میں نے ان کی داستانیں سنی تو میرا پہلا تاثر تھا کیا یہ بھی پاکستانی ہیں؟ اور اگر یہ پاکستانی ہیں تو پھر ہم کون ہیں؟ آپ کو اس سوال کے جواب سے پہلے یہ تین کہانیاں پڑھنی چاہییں۔ پہلی کہانی کے ہیرو خالد جاوید ....مزید پڑھئے‎

یہ تین لوگوں کی تین کہانیاں ہیں‘ میں جب ان تینوں لوگوں سے متعارف ہوا‘ میں نے ان کی داستانیں سنی تو میرا پہلا تاثر تھا کیا یہ بھی پاکستانی ہیں؟ اور اگر یہ پاکستانی ہیں تو پھر ہم کون ہیں؟ آپ کو اس سوال کے جواب سے پہلے یہ تین کہانیاں پڑھنی چاہییں۔ پہلی کہانی کے ہیرو خالد جاوید ....مزید پڑھئے‎