سعودی عرب میں ہونے والی ایک شاندار شادی کی ویڈیو سوشل میڈیا پر تیزی سے گردش کر رہی ہے
جس میں دلہن کے بھائی کی جانب سے دولہا کے مہمانوں کو دیے گئے قیمتی تحائف نے صارفین کی خاص توجہ حاصل کر لی۔ویڈیو میں دیکھا جا سکتا ہے کہ دلہن کا بھائی ایک خوبصورت کیس میں رکھے 24 قیراط سونے کے بسکٹ مہمانوں کو باری باری پیش کر رہا ہے۔ اسی دوران ایک دلچسپ لمحہ اس وقت سامنے آیا جب خاندان کے ایک بزرگ نے اپنی باری پر ایک کے بجائے دو بسکٹ اٹھا لیے، جس پر سوشل میڈیا صارفین نے خوب دلچسپ تبصرے کیے۔یہ کلپ تیزی سے وائرل ہو چکا ہے اور لوگ نہ صرف بزرگ کی پھرتی پر ہنسی مذاق کر رہے ہیں بلکہ شادی کے شاہانہ انداز پر بھی حیرت کا اظہار کر رہے ہیں۔ بعض صارفین نے اسے روایتی عرب مہمان نوازی کی مثال قرار دیا، جبکہ کچھ نے مزاحیہ انداز میں خواہش ظاہر کی کہ انہیں بھی ایسی تقریبات میں شرکت کا موقع ملے جہاں تحفے کے طور پر سونا تقسیم کیا جاتا ہو۔
View this post on Instagram
اگرچہ اس ملک میں شادیوں پر زیادہ خرچ کرنا عام بات سمجھی جاتی ہے، تاہم سونے کے بسکٹوں کی اس منفرد تقسیم نے اس تقریب کو حالیہ دنوں کی سب سے زیادہ زیرِ بحث آنے والی شادیوں میں شامل کر دیا ہے۔
