اسلام آباد (نیوز ڈیسک) رمضان المبارک کا بابرکت مہینہ اب صرف ایک ہفتے کے فاصلے پر ہے اور دنیا بھر میں روزوں کے اوقات کے حوالے سے تفصیلات سامنے آ گئی ہیں۔
خبر رساں ادارے کے مطابق شمالی یورپی ممالک جیسے روس، گرین لینڈ، آئس لینڈ، ناروے، سویڈن اور فن لینڈ میں روزے کا دورانیہ تقریباً 16 گھنٹے ہوگا، جبکہ بعض مقامات پر یہ 20 گھنٹے تک پہنچ سکتا ہے۔دوسری جانب جنوبی نصف کرہ کے ممالک میں روزوں کے اوقات نسبتاً کم ہیں۔ برازیل، جنوبی افریقہ، چلی، نیوزی لینڈ، انڈونیشیا، ملیشیا اور کینیا میں دن کے دوران روزے کی مدت 11 سے 14 گھنٹے کے درمیان متوقع ہے۔جہاں دن بہت لمبے یا مختصر ہوں، وہاں مومنین مکہ یا قریبی معتدل شہر کے اوقات کو اپنا سکتے ہیں۔
میڈیا رپورٹس کے مطابق رمضان 2026 کی شروعات 19 فروری کو متوقع ہے، تاہم چاند کے نظر آنے کی صورت میں یہ 18 فروری سے بھی شروع ہو سکتا ہے۔
ماہرین کا کہنا ہے کہ اس سال روزے کے دورانیے گزشتہ سال کے مقابلے میں کم ہوں گے، جس سے روزہ رکھنا مومنین کے لیے نسبتاً آسان ہو جائے گا۔ شمالی ممالک میں جہاں دن طویل ہیں، وہاں روزے کی مدت 16 گھنٹے یا اس سے زائد ہو سکتی ہے۔
