اسلام آباد (نیو زڈیسک)امریکی ورچوئل ایمبیسی نے ایران میں مقیم تمام امریکی شہریوں کے لیے ہنگامی ایڈوائزری جاری کرتے ہوئے انہیں جلد از جلد ملک چھوڑنے کی ہدایت کر دی ہے۔
میڈیا رپورٹس کے مطابق ورچوئل امریکی سفارت خانے کی جانب سے کہا گیا ہے کہ ایران میں موجود امریکی شہری اپنی واپسی کے لیے فوری انتظامات کریں اور اس حوالے سے امریکی حکومت کی مدد پر انحصار نہ کریں، کیونکہ فضائی سفر میں کسی بھی وقت رکاوٹ یا پروازوں کی منسوخی کا سامنا ہو سکتا ہے۔بیان میں مزید کہا گیا ہے کہ اگر کسی وجہ سے ایران سے نکلنا ممکن نہ ہو تو امریکی شہری اپنے گھروں یا کسی محفوظ مقام پر قیام کریں اور خوراک، پانی، ادویات سمیت روزمرہ ضروریات کا مناسب ذخیرہ اپنے پاس رکھیں۔ ورچوئل ایمبیسی نے یہ بھی مشورہ دیا ہے کہ حالات سازگار ہوں تو زمینی راستے کے ذریعے آرمینیا یا ترکیے جانے کے امکانات پر بھی غور کیا جا سکتا ہے۔
