لندن (این این آئی)افغان طالبان کی سرپرستی میں دہشتگردی کے بعد برطانوی حکومت نے افغانستان کے لیے ٹریول الرٹ جاری کردیا۔برطانوی دفترِ خارجہ نے افغانستان کی بدترین سیکیورٹی صورتحال برطانوی شہریوں کو خبردار کرتے ہوئے کہا کہ برطانوی شہریوں کو افغانستان میں گرفتاری اور طویل قید کا سامنا ہوسکتا ہے، افغانستان جانے والے برطانوی شہری ممکنہ خطرات کا لازمی جائزہ لیں۔
افغان میڈیا کے مطابق برطانیہ نے سیکیورٹی خدشات پر اپنے شہریوں کو افغانستان کا سفر نہ کرنے کا کہا ہے، برطانوی دفترِ خارجہ کی ہدایات میں پُرتشدد واقعات میں اضافے اور خطرات کی نشاندہی کی گئی ہے۔اس سے متعلق افغان میڈیا نے بتایا کہ برطانیہ نے متعدد سرحدی گزر گاہیں بند ہونے سے سفر کو انتہائی خطرناک قرار دیا ہے۔
