نئی دہلی(این این آئی)بھارتی خفیہ ایجنسی را کی جانب سے بلوچستان میں مبینہ طور پر شرانگیزی اور منظم پروپیگنڈا مہم کا ایک اور معاملہ سامنے آ گیا ۔ذرائع کے مطابق پاکستان مخالف مواد پھیلانے والا ایک سوشل میڈیا اکانٹ، جو خود کو پیج 3 نیوز تھائی کے نام سے ظاہر کرتا ہے، دراصل بھارت سے آپریٹ کیا جا رہا ہے۔تحقیقات میں انکشاف ہوا کہ یہ اکائونٹ جعلی شناخت کے ذریعے میر یار بلوچ کے نام سے متعدد بار پیغامات اور بیانات جاری کرتا رہا ہے۔

اس اکائونٹ سے من گھڑت دعوے، تاریخی حقائق میں تحریف اور بلوچستان سے متعلق بھارتی بیانیے کی تشہیر کی جاتی رہی۔ذرائع کا کہنا تھا کہ اس جعلی اکائونٹ کے ذریعے بلوچ شناخت کو مبینہ طور پر دہشت گردی اور انتشار کے فروغ کے لیے استعمال کیا جا رہا ہے۔ حال ہی میں بین الاقوامی سامعین کے لیے اسی اکانئوٹ سے ایک طویل پیغام جاری کیا گیا، جسے بھارتی ایجنڈے پر مبنی قرار دیا جا رہا ہے۔تکنیکی شواہد کے مطابق یہ اکائونٹ بھارت سے تھائی لینڈ کے وی پی این کے ذریعے چلایا جا رہا ہے۔ مبصرین کے مطابق اس طرح کی آن لائن سرگرمیاں پاکستان مخالف پروپیگنڈا مہم اور بلوچستان میں بدامنی سے متعلق بھارتی کردار کو مزید نمایاں کرتی ہیں۔