میکسیکو سٹی (این این آئی)وسطی میکسیکو میں ایک چھوٹا طیارہ ہنگامی لینڈنگ کی کوشش کے دوران گر کر تباہ ہو گیا جس کے نتیجے میں 7 افراد ہلاک ہو گئے۔حکام کے مطابق حادثہ سان ماتیو آٹینکو کے صنعتی علاقے میں پیش آیا جو ٹولوکا ائیرپورٹ سے تقریبا 5 کلومیٹر اور میکسیکو سٹی سے 50 کلومیٹر مغرب میں واقع ہے۔ طیارے نے بحرالکاہل کے ساحلی شہر آکاپولکو سے پرواز بھری تھی۔حکام کے مطابق طیارہ ایک فٹ بال گرئوانڈ پر لینڈ کرنے کی کوشش کر رہا تھا ، اس دوران طیارہ ایک ویئر ہاس کی چھت سے ٹکرا گیا جس کے باعث شدید آگ بھڑک اٹھی۔

آگ لگنے کے باعث علاقے سے تقریبا 130 افراد کو محفوظ مقام پر منتقل کرنا پڑا۔طیارے کی لینڈنگ کے دوران گرنے کی ویڈیو بھی منظر عام پر آگئی۔نجی طیارے میں 8 مسافر اور عملے کے 2 افراد سوار تھے تاہم حادثے کی وجہ معلوم نہ ہوسکی، حکام نے تحقیقات شروع کردیں۔