مکہ مکرمہ(این این آئی)مکہ مکرمہ میں 2افغان شہریوں اور ایک پاکستانی شہری کو منشیات سمگل کرنے کے جرم میں سزائے موت دے دی گئی۔سعودی وزارت داخلہ کے مطابق 2افغان شہریوں کو مملکت میں میتھ سمگل کرنے جبکہ پاکستانی شہری کو مملکت میں ہیروئن سمگل کرنے کے الزام میں گرفتار کیا گیا تھا۔
سعودی وزارت داخلہ کے مطابق تینوں افراد پر عائد الزامات ثابت ہوئے اور بعد ازاں ان کی اپیلوں پر سزائے موت کا فیصلہ برقرار رہنے پر ان کی سزائے موت کے فیصلوں کو نافذ کردیا گیا۔سعودی وزارت خارجہ کے بیان میں کہا گیا کہ حکومت اپنے شہریوں کو منشیات سے محفوظ رکھنے اور منشیات سمگل کرنے والوں کو قانون کے تحت سخت ترین سزائے دینے کیلئے کوشاں رہے گی۔
