اسلام آباد (نیوز ڈٰیسک) چین کے صوبے سچوان میں حال ہی میں ٹریفک کے لیے کھولا جانے والا ہونگ چی پل اچانک زمین بوس ہو گیا۔غیر ملکی میڈیا رپورٹس کے مطابق 758 میٹر طویل یہ پل منگل کے روز اچانک منہدم ہوا، خوش قسمتی سے حادثے میں کسی جانی نقصان کی اطلاع نہیں ملی۔حکام کا کہنا ہے کہ دو روز قبل ہی پل کے ڈھانچے میں دراڑیں نظر آنا شروع ہو گئی تھیں، جس کے بعد انجینئرز کی ایک ٹیم کو معائنے کے لیے روانہ کیا گیا تھا۔ تاہم معائنے سے قبل ہی منگل کو پل کا ایک بڑا حصہ نیچے گر گیا۔
ابتدائی معلومات کے مطابق حادثے کے بعد متاثرہ علاقے میں ٹریفک فوری طور پر بند کر دی گئی جبکہ صوبائی انتظامیہ نے قریبی پلوں کی ہنگامی بنیادوں پر جانچ شروع کر دی ہے تاکہ کسی اور ممکنہ واقعے سے بچا جا سکے۔یہ پل چند ماہ پہلے ہی عوامی آمدورفت کے لیے کھولا گیا تھا اور اسے جدید انجینئرنگ کا شاہکار قرار دیا جا رہا تھا، تاہم اس واقعے نے چین میں تعمیراتی معیار اور نگرانی کے نظام پر سنگین سوالات اٹھا دیے ہیں۔
Spectacular footage shows a bridge collapse in China
In Sichuan Province, China, the recently opened Hongqi automobile bridge partially collapsed, Reuters reports.
The incident occurred along a national highway connecting central China with Tibet. No casualties have been… pic.twitter.com/bY1JtKNvH6
— NEXTA (@nexta_tv) November 11, 2025
