اسلام آباد (نیوز ڈیسک) بھارت کی جانب سے پاکستان کے خلاف آبی جارحیت کا سلسلہ برقرار ہے اور اب چمیرا ڈیم سے بڑی مقدار میں پانی چھوڑ دیا گیا ہے۔جیو نیوز کے مطابق چمیرا ڈیم 1 سے پانی کا اخراج جاری ہے جس کی وجہ سے دریائے راوی میں پانی کے بہاؤ میں مسلسل اضافہ دیکھا جا رہا ہے۔

دوسری جانب بھارتی سرکاری میڈیا نے اطلاع دی ہے کہ کشمیر ریجن میں موجود دریاؤں پر قائم ڈیموں کے تمام دروازے کھول دیے گئے ہیں اور اندازہ ہے کہ ان ڈیموں سے تقریباً دو لاکھ کیوسک پانی چھوڑا جائے گا۔بھارتی سرکاری میڈیا کے مطابق یہ واضح نہیں کہ پانی کا یہ اخراج ایک ساتھ کیا جائے گا یا مرحلہ وار جاری رہے گا۔