ہفتہ‬‮ ، 30 اگست‬‮ 2025 

چلتی بس میں خاتون کے ہاں بچے کا جنم ، شوہر نے بچے کو بس سے نیچے پھینک دیا

datetime 16  جولائی  2025
ہمارا واٹس ایپ چینل جوائن کریں

اسلا م آباد (نیوز ڈیسک) بھارتی ریاست مہاراشٹرا کے شہر پربھنی میں ایک دل دہلا دینے والا واقعہ پیش آیا، جہاں ایک کم عمر لڑکی نے سفر کے دوران چلتی بس میں بچے کو جنم دیا، اور بعد ازاں مبینہ طور پر اس کے ساتھی مرد نے نومولود کو بس کی کھڑکی سے نیچے پھینک دیا، جس کے نتیجے میں بچہ موقع پر ہی دم توڑ گیا۔مقامی میڈیا کے مطابق، یہ واقعہ اس وقت پیش آیا جب پونے سے پربھنی جانے والی ایک سلیپر کوچ بس میں 19 سالہ لڑکی ریتیکا دھیرے نے زچگی کے دوران ایک بچے کو جنم دیا۔ اس دوران اس کے ہمراہ موجود الطاف شیخ نامی شخص، جو خود کو اس کا شوہر ظاہر کر رہا ہے، نے نومولود کو بس کی کھڑکی سے نیچے سڑک پر پھینک دیا۔

عینی شاہدین کے مطابق، سڑک کنارے موجود ایک شہری نے بس سے کوئی چیز پھینکے جانے کا منظر دیکھا۔ جب وہ قریب پہنچا تو معلوم ہوا کہ وہ کپڑے میں لپٹا ہوا ایک نوزائیدہ بچہ ہے، جس کے بعد اس شہری نے فوراً پولیس کو مطلع کیا۔واقعے کی اطلاع ملنے پر پولیس نے حرکت میں آتے ہوئے بس کو روک لیا اور دونوں افراد کو اپنی تحویل میں لے لیا۔ تفتیش کے دوران ریتیکا اور الطاف نے اعتراف کیا کہ وہ بچے کی پرورش کے قابل نہیں تھے، اسی لیے انہوں نے یہ انتہائی اقدام کیا۔پولیس حکام کے مطابق، دونوں افراد کا تعلق پربھنی سے ہے اور وہ گزشتہ ڈیڑھ سال سے پونے شہر میں مقیم تھے۔ دونوں نے میاں بیوی ہونے کا دعویٰ کیا ہے، تاہم ان کے پاس شادی یا تعلق کے ثبوت کے طور پر کوئی قانونی دستاویز موجود نہیں ہے۔پولیس نے معاملے کی مزید چھان بین شروع کر دی ہے، اور بچہ قتل کیس کے تحت دونوں کے خلاف کارروائی کی جا رہی ہے۔

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



پروفیسر غنی جاوید


’’اوئے انچارج صاحب اوپر دیکھو‘‘ آواز بھاری…

سنت یہ بھی ہے

ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…

شیلا کے ساتھ دو گھنٹے

شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…