نئی دہلی (این این آئی)ایئرانڈیا حادثہ اور اس میں 274 مسافروں کی ہلاکت دراصل بھارتی ایوی ایشن نظام کی بدترین ناکامی کے طور پر ثابت ہو چکا ہے۔بھارتی ٹی وی کے مطابق بھارتی طیارے اے آئی 171 کا حادثہ بھارتی ایوی ایشن کی ناکامی کا منہ بولتا ثبوت ہے۔ یہ صرف ایک حادثہ نہیں، بلکہ بھارتی ایوی ایشن سسٹم کی ناکامی کو ثابت کرتا ہے۔ایئر انڈیا کے طیارے اے آئی 171 کیحالیہ حادثے میں 274 افراد ہلاک ہوئے۔ ایئر انڈیا کے طیارے اے آئی 171 کا بلیک باکس بھارتی طیارہ حادثہ تحقیقاتی بیورو کی تحویل میں ہے، جہاں سے تاحال کوئی واضح رپورٹ سامنے نہیں آ سکی ہے۔بھارتی طیارہ حادثے پر تحقیقاتی بیورو غیر جانبدارانہ تفتیش اور حادثے کے حوالے سے وجوہات دینے میں اب تک ناکام رہا ہے۔

حادثے کے حقائق عوام کے سامنے نہ لانا اس بات کا واضح ثبوت ہے کہ بھارتی ایوی ایشن کی نااہلی کو چھپانے کی کوشش کی جا رہی ہے۔ مملکتی وزیر مرلی دھر موہول کا کہنا تھا کہ طیارے کے دونوں انجن ایک ساتھ فیل ہونا تکنیکی نگرانی میں سنگین غفلت کو ظاہر کرتا ہے۔بھارتی پائلٹس کی غیر موثر تربیت اور ایس او پیز کی وا ضح اس حادثے کی وجہ بنی۔ ایئر انڈیا کی مینجمنٹ اگر مستعد ہوتی تو 274 قیمتی جانیں بچائی جا سکتی تھیں۔ بھارتی ایوی ایشن اتھارٹی کی نااہلی اور حکومتی اداروں کی خاموشی نے ایک بار پھر بھارتی عوام کو جھنجھوڑ کر رکھ دیا ہے۔بھارتی طیارے اے آئی 171 کے حادثے کے پیچھے مودی سرکار اور ایوی ایشن اتھارٹی کی سنگین غفلت کارفرما ہے۔ بھارت میں داخل پروازوں کے درجنوں حادثات کے بعد بھارتی ایئر لائنز پر سے عوام کا اعتماد مکمل طور پر ختم ہو چکا ہے۔ایئر انڈیا جیسے قومی ادارے کی جانب سے ایسے خوفناک حادثات ہونا اس بات کا اشارہ ہے کہ بھارتی ایوی ایشن نظام مکمل طور پر ناکام ہو چکا ہے۔