تہران (این این آئی)ایرانی مسلح افواج کے چیف آف اسٹاف میجر جنرل عبدالرحیم موسوی نے کہا ہے کہ جوہری تنصیبات پر امریکی جارحیت نے مسلح افواج کو جوابی کارروائی کے لیے فری ہینڈ دے دیا ہے۔ایران کے سرکاری خبر رساں ادارے کی رپورٹ کے مطابق ایرانی مسلح افواج کے چیف آف اسٹاف، میجر جنرل عبدالرحیم موسوی نے یہ بات اتوار کو شمالی مرکزی اور وسطی ایران میں واقع تین جوہری مراکز کو نشانہ بنانے والی امریکی جارحیت کے جواب میں ا?ج جاری کیے گئے پیغام میں کہی۔
انہوں نے کہا کہ مجرم امریکا کو جان لینا چاہیے کہ اس نے مسلح افواج کے جوانوں کو اپنے عسکری اور دیگر مفادات کے خلاف کسی بھی قسم کی کارروائی کا اختیار دے دیا ہے۔انہوں نے کہا کہ امریکا نے صرف جوابی کارروائی کے معاملے میں افواج کو مکمل اختیار ہی نہیں دیا، بلکہ ایران کے لیے صہیونی حکومت کو سزا دینے کے لاتعداد امکانات کے دروازے بھی کھول دیے ہیں۔میجر جنرل عبدالرحیم موسوی نے اپنے پیغام میں کہا کہ اس حوالے سے ہم کبھی پیچھے نہیں ہٹیں گے۔
