اسلام آباد (نیوز ڈیسک)قطری امیر شیخ تمیم بن حمد الثانی اور ان کی اہلیہ شیخہ جواہر بنت حمد الثانی کی ایک مختصر ویڈیو سوشل میڈیا پر گردش کر رہی ہے، جس نے عرب دنیا میں کافی ہلچل مچا دی ہے۔ اس ویڈیو میں انہیں سابق امریکی صدر ڈونلڈ ٹرمپ کے ساتھ ایک ملاقات کے دوران دیکھا جا سکتا ہے، جس پر متعدد صارفین نے اعتراضات اور ناپسندیدگی کا اظہار کیا ہے۔ذرائع کے مطابق، یہ ویڈیو گزشتہ ہفتے اس وقت ریکارڈ کی گئی جب ڈونلڈ ٹرمپ نے قطر کا دورہ کیا اور امیر قطر کی رہائش گاہ پر پرتکلف عشائیے میں شرکت کی۔
ویڈیو میں شیخہ جواہر کو ڈونلڈ ٹرمپ کے قریب دیکھا جا سکتا ہے، جبکہ ایک لمحے میں ایسا محسوس ہوتا ہے جیسے ان کا ہاتھ ٹرمپ کی جانب بڑھ رہا ہو۔سوشل میڈیا پر یہ ویڈیو وائرل ہوتے ہی مختلف حلقوں کی جانب سے قطری امیر اور ان کی اہلیہ پر تنقید کی جانے لگی۔ بہت سے عرب صارفین نے سوال اٹھایا کہ ایک مسلم ملک کی خاتون اوّل کو اس انداز میں کسی غیر محرم مرد کے قریب ہونے کی ضرورت کیوں پیش آئی؟تاہم، اس ویڈیو کے حوالے سے مختلف آراء سامنے آئی ہیں۔ کچھ صارفین اور عرب انفلوئنسرز نے وضاحت دی ہے کہ ویڈیو کے مناظر کو سیاق و سباق سے ہٹا کر پیش کیا گیا اور اس کی بنیاد پر غلط فہمیاں پیدا کی جا رہی ہیں۔
ان کے مطابق شیخہ جواہر نے کوئی غیر مناسب حرکت نہیں کی اور یہ تاثر جان بوجھ کر پیدا کیا گیا ہے۔اس تمام صورتحال کے باوجود، مذکورہ ویڈیو نے سوشل میڈیا پر ایک نئی بحث کو جنم دے دیا ہے، جس میں نجی ملاقاتوں کے آداب، مسلم ممالک کی نمائندگی، اور سوشل میڈیا پر پھیلنے والی غلط معلومات کے اثرات جیسے موضوعات شامل ہیں۔
