دوحہ (نیوز ڈیسک) امریکی صدر ڈونلڈ ٹرمپ نے اپنے حالیہ دورہ دوحہ کے دوران ایپل کے چیف ایگزیکٹو آفیسر ٹِم کُک پر سخت تنقید کی اور بھارت میں کمپنی کی بڑھتی ہوئی مینوفیکچرنگ سرگرمیوں پر ناراضگی کا اظہار کیا۔ انہوں نے کہا کہ ایپل کو اپنی پیداوار امریکہ منتقل کرنی چاہیے اور غیر ملکی مینوفیکچرنگ پر انحصار کم کرنا چاہیے۔

رپورٹس کے مطابق صدر ٹرمپ نے ایک تقریب میں گفتگو کرتے ہوئے کہا، “میری کل ٹِم کُک سے تھوڑی تلخ بات چیت ہوئی۔ میں نے ان سے کہا کہ میں نے ہمیشہ آپ کی کمپنی کا ساتھ دیا، آپ امریکہ میں 500 ارب ڈالر لا رہے ہیں، لیکن اب سننے میں آ رہا ہے کہ آپ بھارت میں بڑے پیمانے پر فیکٹریاں قائم کر رہے ہیں۔ میں اس بات سے خوش نہیں ہوں۔‘‘

صدر ٹرمپ کا کہنا تھا کہ بھارت ان ممالک میں شامل ہے جہاں درآمدی محصولات بہت زیادہ ہیں، اور امریکی مصنوعات کی بھارتی مارکیٹ تک رسائی خاصی مشکل ہے۔ انہوں نے مزید کہا کہ اگرچہ نئی دہلی حکومت نے کچھ ٹیرف میں نرمی کی پیشکش کی ہے، لیکن وہ اس معاملے پر ایک جامع معاہدہ چاہتی ہے جو فی الحال امریکہ کے لیے قابل قبول نہیں۔

ٹرمپ نے اس بات پر زور دیا کہ ایپل کو اپنی مینوفیکچرنگ امریکہ منتقل کرنی چاہیے، اور کہا کہ “ہم نے آپ کو چین میں پیداوار کی اجازت دی، لیکن بھارت میں ایسا نہیں ہونا چاہیے۔ بھارت خود کفیل ہے اور ترقی کر رہا ہے، لیکن ہمیں امریکہ میں روزگار اور سرمایہ کاری کی ضرورت ہے۔‘‘

ایپل نے اس حوالے سے اعلان کیا ہے کہ وہ آئندہ چار برسوں میں امریکہ میں 500 ارب ڈالر کی سرمایہ کاری کرے گی، جس میں ٹیکساس کے شہر ہیوسٹن میں جدید ترین مینوفیکچرنگ سہولت کی تعمیر بھی شامل ہے۔ اس پلانٹ میں ایسے سرورز تیار کیے جائیں گے جو ایپل کی انٹیلیجنس ٹیکنالوجیز کو سپورٹ کریں گے۔

ٹرمپ کے یہ بیانات ان کی “امریکی روزگار پہلے” کی پالیسی کا حصہ سمجھے جا رہے ہیں، جو ان کی 2024 کی انتخابی مہم میں دوبارہ مرکزی نکتہ بن سکتی ہے۔ دوسری جانب، ٹِم کُک نے اپنی حالیہ مالیاتی کال میں اعتراف کیا تھا کہ اس سہ ماہی میں امریکہ میں فروخت ہونے والے بیشتر آئی فونز بھارت میں تیار کیے گئے ہیں۔

Donald Trump – I asked Apple CEO Tim Cook to not make Apple products in India.

Bhakt 1 – We supported him for President’ship, Modi ji pe kya beet rahi hogi. Lets boycott apple.

Bhakt 2 – Apple is costing 300/Kg in my area, Season ayega toh boycott karenge. abhi… pic.twitter.com/zBlwlirzom

— ηᎥ†Ꭵղ (@nkk_123) May 15, 2025