لندن(این این آئی)نشے میں دھت ایک مسافر نے کاک پٹ میں گھس کر جہاز کا دروازہ کھولنے کی کوشش کی ویڈیو سامنے آئی ہے۔عرب ٹی وی کے مطابق مسافر نے طیارے کا دروازہ اس وقت کھولنے کی کوشش کی جب جہاز 30 ہزار فٹ کی بلندی پر اڑ رہا تھا۔اس دوران ایک دوسرے مسافر نے جہاز کا دروازہ کھولنے کی خطرناک کوشش کو اپنے موبائل فون کے کیمرے میں ریکارڈ کرلیا۔
نشے کی حالت میں نیم بے ہوش شخص نے دعوی کیا کہ پائلٹ جہاز کو صحیح نہیں اڑا رہا ہے۔ وہ اس کی جگہ طیارہ اڑانا چاہتا ہے۔یہ واقعہ لندن سے یونان جانے والیایزی جٹ کمپنی کی پرواز نمبر EZY8235 میں پیش آیا۔ اس وقت مسافر جہاز تیس ہزار فٹ کی بلندی پر تھا۔انٹرکام سسٹم میں خرابی پیدا ہوگئی جب طیارے کے عملے نے مسافر کو روک کر زمین پر پھینکنے کی کوشش کی۔ کچھ مسافر عملے کی مدد کے لیے آئے جب کہ دیگر نے اپنے فون پر فلم بندی کی اور کچھ خوف کے مارے اپنی نشستوں پر بیٹھ گئے۔
