ڈھاکہ(این این آئی)بنگلادیش میں ڈھاکا یونیورسٹی کے طلبہ نے سابق وزیراعظم اور بھارت فرار ہونے والی شیخ حسینہ واجد کے خلاف مقدمہ درج کرنے کا مطالبہ کیا ہے۔غیر ملکی میڈیا کے مطابق ڈھاکا یونیورسٹی کے مختلف ہالز سے طلبہ جلوس کی صورت میں راجو مجسمے کے نیچے جمع ہوئے اور اس دوران انہوں نے نعرے لگائے کہ ہمیں انصاف چاہیے ، قاتل شیخ حسینہ کو سزا ملنی چاہیے۔
طلبہ نے کہاکہ کیمپس میں کوئی بدنیتی سیاست نہیں ہوگی۔اینٹی ڈسکریمینیشن اسٹوڈنٹ موومنٹ کی جانب سے ڈھاکا یونیورسٹی کیمپس میں ایک احتجاجی ریلی نکالی گئی جس میں طلبہ کی جانب سے مطالبہ کیا گیا کہ تعلیمی اداروں میں سیاست پر پابندی عائد کی جائے اور سابق وزیراعظم شیخ حسینہ واجد کے خلاف مقدمہ درج کیا جائے۔
