ڈھاکہ (این این آئی)بنگلادیش میں سمندری طوفان موکا کے باعث گیس سپلائی متاثر ہونے سے بجلی کا بحران پیدا ہوگیا ہے۔

غیرملکی خبررساں ادارے کے مطابق بنگلادیش کے دونوں فلوٹنگ ایل این جی ٹرمینل بند ہونے سے بجلی کی فراہمی متاثر ہوئی۔بنگلادیش کے گرڈ آپریٹر کے مطابق پیر کو بجلی کی فراہمی طلب کے مقابلے میں 17 فیصد جبکہ اتوار کو 14 فیصد کم تھی۔ آدھی رات کے بعد بدترین قلت دیکھی گئی۔حکام کے مطابق ایک ٹرمینل نے گزشتہ رات کام کرنا شروع کر دیا ہے جبکہ دوسرے ٹرمینل سے کام اگلے کچھ دنوں میں شروع ہوجائے گا۔