ماسکو (آن لائن) روسی صدر ولادی میر پیوٹن نے امریکی ہم منصب جوبائیڈن کو آن لائن مناظرہ کا چیلنج کر دیا ہے۔ غیر ملکی خبر رساں ادارے کے مطابق روسی صدر پیوٹن نے یہ اعلان بائیڈن کی جانب سے انہیں ’قاتل‘ پکارے جانے کے بعد کیا۔ پیوٹن نے کہا کہ بائیڈن سوموار یا جمعہ کو اوپن چیٹ کے ذریعہ مناظرہ کرسکتے ہیں۔ولادی میر پیوٹن کا کہنا تھا کہ بغیر کسی تاخیر کے

دوطرفہ تعلقات اور دنیا کے اہم امور پر بات چیت کا آغاز کریں۔ان کا مزید کہنا تھا کہ مناطرے میں کورونا وبا کا مقابلہ کرنے، خطے کے استحکام اور اسٹریجیکل ایشو پر بات ہوسکتی ہے، میں تجویز کروں گا کہ بائیڈن ڈسکشن جاری رکھیں۔روسی صدر نے کہا کہ میری شرط یہی ہے کہ تمام چیزیں بغیر کسی شرط کے لائیو ہوں۔ولادی میر پیوٹن کا کہنا تھا کہ میرے خیال میں یہ چیزیں روسی اور امریکی عوام کیلئے دلچپسی کا باعث بنیں گی۔امریکی میڈیا کے مطابق صدربائیڈن نے کہا تھا کہ پیوٹن کو امریکی انتخابات میں مداخلت کی بھاری قیمت چکانا ہو گی۔انہوں نے متنبہ کیا کہ اگر مداخلت ثابت ہوگئی تو روس پر پابندیاں عائد کی جائیں گی۔ امریکی انٹیلیجنس رپورٹ میں 2020 کے صدارتی انتخابات میں روس پر مداخلت کا الزام عائد کیا گیا تھا۔صدر بائیڈن کا مزید کہنا تھا کہ یکم مئی تک افغانستان سے امریکہ کا فوجی انخلا مشکل ہے۔قبل ازیں امریکی صدر جوبائیڈن نے دعویٰ کیا تھا کہ امریکہ میں جمہوریت ابھی تک نازک ہے۔