مکہ مکرمہ(آن لائن) سعودی عرب میں ایک بار پھر خوب بارش ہوئی ہے۔ اللہ کی یہ رحمت مکہ مکرمہ میں بھی خوب گرج چمک کے ساتھ نازل ہوئی۔ جس سے مکہ کا گرم موسم خوشگوار ہو گیا اور مسجد الحرام میں اللہ کے گھر کو آئے زائرین بھی خوشی سے نہال ہو گئے۔ مسجد الحرام میں عمرہ زائرین نے بارش کے دوران ہی طواف

کیااور دیگر مناسک بھی ادا کیے۔کئی افراد برستی بارش میں سجدہ ریز ہو گئے اور کچھ دعاوں میں بھی مصرف نظر آئے۔ ان خوبصورت مناظر کی کی تصاویر اور ویڈیوز بھی سوشل میڈیا پر وائرل ہو گئی ہیں۔مکہ مکرمہ میں بارش سے موسم خوشگوار ہوگیاجبکہ مشاعر مقدسہ میں مزید بارش کا بھی امکان ہے۔ عمرہ زائرین نے بارش کے دوران ہی نماز بھی ادا کی۔اس موقع پر نمازیوں نے انتہائی خوشی کا اظہار کیا۔خانہ کعبہ پر برستی باران رحمت کی تصاویر بھی سامنے آگئی ہیں۔صارفین سوشل میڈیا پر ویڈیو شئیر کرتے ہوئے کہہ رہے ہیں کہ اللہ تعالی ہر مسلمان کو یہاں آنے کی سعادت نصیب فرمائے۔المرصد کے مطابق گزشتہ روز مشاعر مقدسہ، منی، عرفات اور مزدلفہ میں پیر کو موسلادھار بارش ہوئی ہے۔ماہرین موسمیات نے امکان ظاہر کیا ہے کہ آج منگل سے جمعرات تک سعودیہ کے شمالی علاقوں، الجوف، حائل، رفینا، حفر الباطن، القصیم اور ریاض ریجن میں سردی کی زبردست لہر آئے گی۔جبکہ اگلے سوموار سے جمعرات تک سردی کی شدت اپنے عروج کو پہنچ جائے گی۔ اس دوران ریاض اور کئی علاقوں میں درجہ حرارت 2 سے 3 ڈگری کے درمیان آ جائے گا۔آج بھی سعودی عرب کے چار علاقوں میں گرج چمک کے ساتھ بارش متوقع ہے۔مکہ اور مدینہ میں بھی بارش سے قبل گرد آلود ہوائیں چلیں گی۔بارشوں کا یہ سلسلہ اگلے کئی روز تک جاری رہنے کی توقع ہے۔