واشنگٹن (این این آئی)امریکی مرکزی کمان نے بتایا ہے کہ ایرانی افواج نے بین الاقوامی پانی میں کارروائی کرتے ہوئے ویلانامی ایک بحری جہاز پر چڑھائی کر دی۔ اس آپریشن میں ایرانی فورسز کو دو بحری جہازوں اور ایک فوجی ہیلی کاپٹر کی معاونت حاصل تھی۔میڈیارپورٹس کے مطابق امریکی مرکزی کمان نے اپنے ٹویٹر اکانٹ پر ایک وڈیو پوسٹ کی۔ وڈیو میں ایک ہیلی کاپٹر ایک بحری جہاز کے اوپرفضا میں معلق نظر آ رہا ہے اور متعدد افراد جہاز کے عرشے پر اترتے ہوئے دکھائی دے رہے ہیں۔پوسٹ میں لکھا گیا ہے کہ ایرانی فورسز نے دو بحری جہازوں

اور ایک ایرانی ساختہ ہیلی کاپٹر کے ساتھ ایک بحری جہاز پر دھاوا بول دیا۔ بین الاقوامی پانی میں موجود اس بحری جہاز کا نام ویلاہے۔تہران کی جانب سے ابھی تک سرکاری طور پر اس کارروائی کے بارے میں کوئی تبصرہ سامنے نہیں آیا۔