سرینگر (آن لائن)کشمیر کے سینئر ترین علیحدگی پسند رہنما سید علی شاہ گیلانی نے کہا ہے کہ انہوں نے خود سے کل جماعتی حریت کانفرنس سے کنارہ کشی کی ہے، استصواب رائے عامہ کی تحریک سے نہیں۔ گیلانی نے اپنے ایک ٹویٹ میں کہا کہ ‘ اے پی ایچ سے میری علیحدگی کو غلط انداز میں پیش کیا گیا ہے، جبکہ میں نے صرف حریت کانفرنس سے کنارہ کشی کی ہے نہ کہ

حق خود ارادیت کی تحریک سے ،گیلانی نے حریت کانفرس سے علیحدگی اختیار کرنے کا اعلان کرتے ہوئے اس کی اکائیوں پر سوالات اور الزامات عائد کئے تھے جس کے بعد عوام و سیاسی حلقوں میں حیرانگی پیدا ہوگئی ۔انہوں نے کہا کہ ‘ میری جدو جہد آزادی کے ساتھ وابستگی آخری سانس تک رہے گی، دنیا کی کوئی بھی طاقت مجھے اس جدو جہد سے دور نہیں کرے گی۔