واشنگٹن(این این آئی)امریکا کی ریاست ٹینیسی کے ایک اخبار نے مسلمانوں کے خلاف اشتہار چھاپنے پر معافی مانگ لی، چھپنے والے اشتہار میں کہا گیا تھا کہ اسلام نیش ول کو ایٹم بم سے نشانہ بنائے گا۔غیرملکی خبررساں ادارے کے مطابق پورے صفحے اور آٹھ پیراگراف پر مشتمل یہ اشتہار مڈل ٹینیسی نام کے اخبار
میں شائع ہوا جس میں صدر ٹرمپ، پوپ فرانسس کی تصویریں، جلتا ہوا امریکی پرچم بنا ہوا تھا ۔اشتہار میں دعوی کیا گیا تھا کہ اسلام نیش ول کو ایٹم بم سے اڑا دے گا۔اخبار کے ایڈیٹر اور نائب صدر نے اشتہار کو خوف ناک اور ناقابل دفاع قرار دیتے ہوئے کہا کہ یہ اشتہار غلط ہے اور اسے چھپنا ہی نہیں چاہیے تھا۔
