اسلام آباد(مانیٹرنگ ڈیسک)بھارتی فضائیہ کا طیارہ گر کر تباہ ۔بھارتی میڈیا کے مطابق دو سیٹر طیارہ اڑیسہ کے ضلع ڈھنک کنال میں گر کر تباہ ہوا ، جس کے نتیجے میں ایک ٹرینی پائلٹ اور اس کا انسٹرکٹر ہلاک ہوگیا۔اس واقعے کے بعد دونوں پائلٹوں کو قریبی ہسپتال لے جایا گیا جہاں ڈاکٹروں نے انہیں مردہ قرار دے دیا۔

طیارہ بیرسالہ میں گورنمنٹ ایوی ایشن ٹریننگ انسٹی ٹیوٹ (جی اے ٹی آئی) پر گر کر تباہ ہوا۔پولیس اور امدادی اہلکار جائے وقوعہ پرپہنچ گئے جب کہ حادثے سے متعلق تفصیلات اکٹھی کی جا رہی ہیں۔ابتدائی اطلاعات کے مطابق حادثہ تکنیکی خرابی کی وجہ سے پیش آیا۔یاد رہے کہ اس سے قبل بھی بھارتی فضائیہ کے کئے طیارے گر کر تباہ ہو چکے ہیں۔

موضوعات:طیارہ تباہ