دبئی (این این آئی)دبئی میں کرائسز اینڈ ڈیزاسٹر مینجمنٹ کی سپریم کمیٹی کے چیئرمین الشیخ منصور بن محمد بن راشد المکتوم کی سربراہی میں ہونے والے اجلاس میں بتایا گیا کہ دبئی کے علاقوں الرس اور نایف میں کرونا کے مزید کیسز سامنے نہ آنے کے بعد وہاں پر لاک ڈائون میں نرمی کردی گئی ہے۔
اجلاس کو بتایا گیا کہ ان دونوں مقامات پر مقامی وقت کے مطابق صبح چھ بجے سے رات 10 بجے تک لوگوں کو معمول کے مطابق نقل حرکت کی اجازت ہے تاہم رات دس سے صبح چھ تک دبئی کے دوسرے علاقوں کی طرف ان علاقوں میں بھی لاک ڈائون رہے گا۔میڈیارپورٹس کے مطابق دبئی ڈیسزاسٹر کمیٹی کی طرف سے 31مارچ کو دبئی کے تمام علاقوں میں کرونا کی وبا کے پیش نظر 24 گھنٹوں کے لاک ڈائون کا اعلان کیا تھا۔ نایف اور الراس کے مقامات پر گذشتہ دو روز کے دوران کرونا کا کوئی نیا کیس سامنے نہیں آیا جس کے بعد وہاں پر دن کے اوقات میں لاک ڈائون میں نرمی کی گئیی ہے جب کہ مجموعی طوپر دبء میں ایک ماہ میں چھ ہزار افراد کے ٹیسٹ لیے گئے ہیں۔دبئی کرائسز اینڈ ڈیزاسٹر سیل کی طرف سے نایف اور الراس سمیت دیگر علاقوں میں مقیم شہریوں سے کہا کہ وہ غیرضروری طورپر گھروں سے نہ نکلیں۔ ان دونوں علاقوں میں لاک ڈائون میں نرمی کی گئی ہے تاکہ شہریوں کو ان کی اہم نوعیت کی ضروریات پوری کرنے کا موقع مل سکتے مگر شہریوں کا غیرضروری طورپر بازاروں اور سڑکوں پر نکلنا بیماری پھیلانے کا موجب بن سکتا ہے۔
