اسلام آباد(مانیٹرنگ ڈیسک)کرونا وائرس کا شکار ہونے کے بعد اٹلی میں 34 سالہ نرس نے خودکشی کر لی۔تفصیلات کے مطابق ایک نرسنگ فیڈریشن نے انکشاف کیا ہے کہ ایک اطالوی نرس نے کورونا وائرس کا مثبت ٹیسٹ آنے کے بعد اس خوف کی وجہ سے خودکشی کر لی کہ وہ تک اس وائرس سے دوسروں کو بھی متاثر کرچکی ہے۔34 سالہ ڈینیئلا ٹریزی اٹلی میں کورونا وائرس سے بدترین متاثرہ علاقے لومبارڈے کے ایک ہسپتالکورونا وائرس کے خلاف جنگ میں پیش پیش تھی اور دیگرطبی عملے کے ساتھ فرنٹ لائن پر مریضوں کا علاج کر رہی تھی۔اٹلی کی نیشنل فیڈریشن

آف نرسز نے ان کی موت کی تصدیق گزشتہ رات کی اور نرس کے انتقال پر درد اور مایوسی کا اظہار کیا۔فیڈریشن نے کہا کہ نرس شدید دباؤ میں تھی کیونکہ انہیں خدشہ تھا کہ وہ کورونا وائرس کو قابو میں کرنے کی کوشش کرتے ہوئے دراصل وائرس پھیلانے کا سبب بن رہی ہے۔