جمعرات‬‮ ، 10 جولائی‬‮ 2025 

حسن نصراللہ کا ایران اور علی خامنہ ای سے اظہار وفاداری کا اعادہ

datetime 11  ستمبر‬‮  2019
ہمارا واٹس ایپ چینل جوائن کریں

بیروت (این این آئی)لبنان کی شیعہ ملیشیا حزب اللہ نے ایران اور اس کے سپریم لیڈر آیت اللہ علی خامنہ ای سے اظہارِ وفاداری کا اعادہ کیا ہے اور کہا ہے کہ اگر ایران کسی جنگ میں شریک ہوتا ہے تو وہ کسی جنگلے میں نہیں رہیں گے۔غیرملکی خبررساں ادارے کے مطابق حسن نصراللہ نے ایک نشری تقریر میں کہا کہ اگر اسرائیلی حملوں سے لبنان کے دفاع کا معاملہ آئے گا تو پھر یقینی طور پر کوئی بھی سرخ لکیر نہیں ہوگی۔

لبنان اور لبنانی عوام اسرائیل کی کسی بھی جارحیت کی صورت میں اپنے دفاع کا حق محفوظ رکھتے ہیں۔ان کے اس اظہار وفاداری سے ایک روز قبل ہی اسرائیلی وزیراعظم بنیامین نیتن یاہو نے ایران کی ایک نئی جوہری تنصیب کا انکشاف کیا تھا اور عالمی برادری پر زوردیا تھا کہ وہ ایران کے خلاف امریکا کی اقتصادی پابندیوں کے نفاذ میں ساتھ دے۔انھوں نے ایرانی قیادت کو اسرائیل کی نگرانی کی صلاحیتوں سے بھی خبردار کیا تھا اور کہا تھا کہ ایران جو کچھ بھی کرتا ہے اور جہاں بھی کرتا ہے،اس کی اسرائیل کو خبر ہوتی ہے۔حسن نصراللہ نے یہ بھی کہا کہ بیروت کا دورہ کرنے والے اعلیٰ امریکی عہدہ دار اسرائیل نواز ہیں۔ان کا اشارہ امریکی محکمہ خارجہ کے اسسٹنٹ سیکریٹری ڈیوڈ شینکر کی جانب تھا، وہ لبنان اور اسرائیل کے درمیان بحری سرحد کے تنازع پر ثالثی کے لیے آئے ہیں۔ حسن نصراللہ نے لبنانی حکام پر زوردیا کہ وہ مسٹر شینکر سے پختہ عزم کے ساتھ مذاکرات کریں۔لبنانی صدر میشیل عون نے آج ان سے ملاقات کی ہے۔ان کا اس سال کے اوائل میں محکمہ خارجہ میں عہدہ سنبھالنے کے بعد لبنان کا یہ پہلا دورہ ہے۔لبنانی صدر کے دفتر نے ایک بیان میں اس امید کا اظہار کیا ہے کہ امریکا لبنان میں سرحد پر حدبندی کے لیے مصالحت کا دوبارہ آغاز کرے گا اور بے گھر افراد کی واپسی کے لیے لبنان کی مدد کرے گا۔امریکا لبنان اور اسرائیل میں سرحد پرحد بندی کے لیے مصالحانہ کردار ادا کررہا ہے۔یہ دونوں ممالک 1948ء میں اسرائیل کے قیام کے وقت سے حالتِ جنگ میں ہیں۔

موضوعات:

آج کی سب سے زیادہ پڑھی جانے والی خبریں


کالم



کان پکڑ لیں


ڈاکٹر عبدالقدیر سے میری آخری ملاقات فلائیٹ میں…

ساڑھے چار سیکنڈ

نیاز احمد کی عمر صرف 36 برس تھی‘ اردو کے استاد…

وائے می ناٹ(پارٹ ٹو)

دنیا میں اوسط عمر میں اضافہ ہو چکا ہے‘ ہمیں اب…

وائے می ناٹ

میرا پہلا تاثر حیرت تھی بلکہ رکیے میں صدمے میں…

حکمت کی واپسی

بیسویں صدی تک گھوڑے قوموں‘ معاشروں اور قبیلوں…

سٹوری آف لائف

یہ پیٹر کی کہانی ہے‘ مشرقی یورپ کے پیٹر کی کہانی۔…

ٹیسٹنگ گرائونڈ

چنگیز خان اس تکنیک کا موجد تھا‘ وہ اسے سلامی…

کرپٹوکرنسی

وہ امیر آدمی تھا بلکہ بہت ہی امیر آدمی تھا‘ اللہ…

کنفیوژن

وراثت میں اسے پانچ لاکھ 18 ہزار چارسو طلائی سکے…

دیوار چین سے

میں دیوار چین پر دوسری مرتبہ آیا‘ 2006ء میں پہلی…

شیان میں آخری دن

شیان کی فصیل (سٹی وال) عالمی ورثے میں شامل نہیں…