برسلز(نیوزڈیسک)مقبوضہ کشمیر کی صورتحال پر یورپی پارلیمنٹ کا شدیدردعمل،بھارت کے خلاف بڑا فیصلہ سنادیا، تفصیلات کے مطابق مقبوضہ کشمیر کی صورتحال پر یورپی پارلیمنٹ نے شدیدردعمل کا اظہار کیا ہے اوربھارت سے بھارتی آئین کے آرٹیکل 370 اور دفعہ 35 اے ختم کرنے کے فیصلے کو فوری طور پر واپس لینے کا مطالبہ کیا ہے،یورپین پارلیمنٹ کی خارجہ امور کمیٹی کے اجلاس میں بھارت کو شدید تنقید کا نشانہ بنایا گیا اور مقبوضہ کشمیر میں انسانی حقوق کی پامالیوں پر تشویش کا اظہار کیاگیا،
اس موقع پر انسانی حقوق کمیٹی کی چیئرپرسن ماریہ ایرینہ نے شرکاء کو بتایا کہ مقبوضہ کشمیر میں صورتحال بہت خراب ہے انہوں نے مطالبہ کیا کہ بھارت اپنے آئین کے آرٹیکل 370 اور دفعہ 35 اے ختم کرنے کے فیصلے کو فوراً واپس لے۔ اس موقع پر یورپی یونین کے ارکان پارلیمنٹ نے مقبوضہ کشمیرمیں بھارتی اقدامات کی شدید مذمت کی، مقبوضہ کشمیر کی صورتحال پر یہ یورپی پارلیمنٹ کی خارجہ کمیٹی کا خصوصی اجلاس تھا جس کو بھارت نے رکوانے کی بھرپور کوششیں کی تھیں لیکن اسے ناکامی کاسامناکرنا پڑا۔
