واشنگٹن(این این آئی)امریکی صدر ڈونلڈ ٹرمپ کی ترجمان نے جمعہ کے روز ایک بیان میں بتایا ہے کہ خلیجی ریاست کویت کے امیرالشیخ صباح الاحمد الجابر الصباح 12 ستمبر کو امریکا کے دورے کے دوران صدر سے ملاقات کریں گے۔غیرملکی خبررساں ادارے کے مطابق وائٹ ہائوس کی ترجمان اسٹیوانی گریشم نے ایک بیان میں

کہا کہ توقع ہے کہ امیر کویت اور صدر ڈونلڈ ٹرمپ کے درمیان ہونے والی بات چیت میں علاقائی صورت حال، دو طرفہ سیکیورٹی تعاون اور انسداد دہشت گردی کے موضوعات پربات چیت ہوگی۔خیال رہے کہ امیر کویت ستمبر 2017 اور ستمبر 2018ء کو امریکا کے دورے کے دوران صدر ڈونلڈ ٹرمپ سے ملاقات کرچکے ہیں۔

موضوعات:کویت،امریکا،امیر کویت،صباح الاحمد،ڈونلڈ ٹرمپ