ٹوکیو (این این آئی)جاپان میں مقیم کشمیر یکجہتی فورم کے سربراہ شاہد مجید ایڈووکیٹ نے جاپان سمیت دنیا بھر میں مقیم پاکستانی کمیونٹی سے سوشل میڈیا پر اپیل کی ہے کہ ہر قسم کی بھارتی مصنوعات کا مکمل بائیکاٹ کیا جائے۔ایک بیان میں انہوں نے کہا کہ جہاں تک ممکن ھو بھارت کا سفارتی اور عوامی سطح پر مکمل بائیکاٹ کیا جائے۔انہوں نے جاپان میں بھی تمام پاکستانی ریسٹورنٹ کے مالکان
سے درخواست کی کہ وہ بھی ریسٹورنٹ سے بھارتی پرچم اتار دیں۔شاہد مجید نے کہا کہ ابھی نہیں تو کبھی نہیں،اس لیے تمام دوست فوری طور عمل کرتے ھوئے بھارت کا ہر سطح پر بائیکاٹ کرنے کی مہم میں بھرپور ساتھ دیں۔انہوں نے کہا کہ فاشسٹ مودی زیادہ دیر تک کشمیری برادری پر ظلم نہیں ڈھا سکتا، اس کو ہر سطح پر بے نقاب کرکے سفارتی طور پر بھرپور مقابلہ کیا جاے گا۔
