واشنگٹن (این این آئی )امریکی صدر ڈونلڈ ٹرمپ نے جرمن چانسلر انجیلا میرکل کی تعریف کرتے ہوئے کہا ہے کہ میرکل ایک قابل خاتون ہیں اور وہ صورتحال کو بہت اچھی طرح سمجھتی ہیں۔ غیرملکی خبررساں ادارے کے مطابق گزشتہ روز اپنی ایک ٹوئیٹ میں امریکی صدر

ٹرمپ نے کہاکہ جرمن چانسلر انجیلا میرکل کئی لوگوں سے ملاقات سے قبل ہی صورتحال کو بھانپ لیتی ہیں۔ ٹرمپ نے مزید کہا کہ وہ مستقبل قریب میں جرمنی کا دورہ بھی کریں گے۔ ایسا پہلی مرتبہ ہوا ہے کہ ٹرمپ نے اس انداز میں جرمن چانسلر کی قائدانہ صلاحیتوں کو سراہا ہے۔