لندن (این این آئی )برطانیہ نے اپنے بحری جہازوں کو ہدایت کی ہے کہ وہ عارضی مدت کے لیے آبنائے ہرمز کے علاقے سے باہر رہیں۔ یہ پیش رفت ایران کی جانب سے ایک برطانوی پرچم بردار آئل ٹینکر کو تحویل میں لینے کے بعد سامنے آئی ۔غیرملکی خبررساں ادارے کے مطابق برطانوی
حکومت کے ترجمان نے ایک بیان مین کہا کہ ہم بین الاقوامی جہاز رانی کے لیے واضح چیلنج بننے والے ایران کے ان ناقابل قبول تصرفات کے سبب ابھی تک گہری تشویش محسوس کر رہے ہیں۔ ہم نے برطانوی جہازوں کو ہدایت کر دی ہے کہ وہ عارضی طور پر علاقے سے باہر رہیں۔
