ابوظہبی(این این آئی)متحدہ عرب امارات تزویراتی اور ٹیکٹیکل اسباب کی بناء پر یمن میں دوبارہ اپنی فوج تعینات کرنے کا اعلان کیا ہے۔فرانسیسی خبر رساں ایجنسی کے مطابق اماراتی عہدیدارنے بتایاکہ ابو ظبی یمن کے بحران کے حل میں اپنی عسکری اور سیاسی شراکت جاری رکھے گا۔ یمن میں فورسز کی دوبارہ تعیناتی کا پلان پہلے سے طے شدہ ہے۔ سعودی عرب سے
اتفاق رائے پیدا کرنے کے لیے ایک سال قبل بات چیت ہوچکی ہے۔اماراتی عہدیدار نے کہا کہ یمن کے 90 ہزار سپاہیوں کی عسکری تربیت مکمل ہو رہی ہے جس کے بعد بعض علاقوں میں پیدا ہونے والے خلاء کو پْر کیا جا سکیگا۔اماراتی عہدیدار نے کہا کہ ان کا ملک یمن میں ملٹری اسٹریجٹی کو ملک میں امن وامان کے منصوبے میں منتقل کرنے کے لیے کام کررہا ہے۔
