ریاض(این این آئی)سعودی عرب کے وزیر برائے امور حج عمرہ محمد بنتن نے کہا ہے کہ قطری شہریوں کی حج کیلئے رجسٹریشن میں رکاوٹیں پیدا کرنے کی کوشش کی جا رہی ہے۔سعودی وزیر برائے امور حج عمرہ محمد بنتن نے ایک بیان میں کہا ہے کہ قطری عازمین حج کیلئے آن لائن رجسٹریشن کی سہولت موجود ہے لیکن قطری شہریوں کی حج کیلئے رجسٹریشن میں رکاوٹیں پیدا کرنے کی کوشش کی جا رہی ہے۔ انہوں نے کہا کہ آنیوالے دنوں
میں سعودی وزارتِ حج اپنے حج پروگرامات کی تفصیل بیان کرے گی۔سعودی وزارت حج نے اپنے ایک بیان میں مملکت کے اندر موجود قطری شہریوں کے فریضہ حج کی ادائیگی میں حصہ لینے کا خیر مقدم کرتے ہوئے کہا ہے کہ وزارت حج اور دیگر تمام ادارے حج کے موقع پر حجاج کرام کی خدمت کیلئے خادم الحرمین الشریفین شاہ سلمان بن عبدالعزیز اور ولی عہد شہزادہ محمد بن سلمان کی ہدایت پر عمل درآمد کرینگے۔
