لندن (نیوز ڈیسک) پاکستان اور افغانستان کے میچ کے دوران پاکستانیوں پر تشدد کرنے والے افغانی اپنے عبرتناک انجام کی جانب گامزن، برطانیہ کی پولیس نے چار افغان باشندوں کو گرفتار کر لیا ہے، برطانوی پولیس نے مزید لوگوں کی شناخت کے لیے مدد مانگ لی ہے، برطانوی پولیس کا کہنا ہے کہ وڈیوز سے محسوس ہوتا ہے کہ افغانیوں نے پاکستانی شائقین
کو تشدد کا نشانہ بنایا۔واضح رہے کہ پاکستان اور افغانستان کے میچ کے دوران ایک وڈیو منظر عام پر آئی تھی جس میں افغانی شائقین پاکستانی شائقین پر تشدد کر رہے تھے جس پر آئی سی سی نے بھی نوٹس لیا تھا، اب برطانوی پولیس نے اس معاملے میں پیش رفت کرتے ہوئے گرفتاریاں کی ہیں اور مزید گرفتاریوں کے لیے عوام سے مدد کی اپیل کی ہے۔
