طرابلس (این این آئی)لیبیا کی فوج نے معیتیقہ ہوائی اڈے پر قومی وفاق حکومت کی طرف سے قائم کردہ ڈرون طیاروں کا کمانڈ اینڈ کنٹرول سینٹر پر بمباری کرکے اسے تباہ کردیا۔عرب ٹی وی کے مطابق لیبی فوج کے ترجمان میجرجنرل احمد المسماری نے بدھ کوایک پریس کانفرنس میں بتایا کہ معیتیقہ ہوائی اڈے کیاندر قائم کردہ مرکزی ڈرون ریمورٹ کنٹرول مرکز تباہ کردیا گیا ہے۔ادھر معیتیقہ ہوائی اڈے کے حکام نے سماجی رابطوں کی ویب سائیٹ فیس بک پرایک بیان پوسٹ کیا جس میںکہا گیا ہے کہ دارالحکومت طرابلس میں
بمباری کے واقعے کے بعد ہوائی اڈے پر فلائیٹ آپریشن روک دیا گیا ہے۔معیتیقہ ہوائی اڈے کو پہلے ہی بین الاقوامی پروازوں کے لیے بند کردیا گیا تھا تاہم اندرون ملک پروازوں کے ساتھ ترکی، اردن اور تیونس کے لیے اس ہوائی اڈے سے پروازیں جاری رہی ہیں۔لیبی فوج نے جب سے طرابلس کاقبضہ حاصل کرنے کے لیے فوجی آپریشن کا آغاز کیا ہیمعیتیقہ ہوائی اڈے پر فلائیٹ آپریشن متعدد بار تعطل کاشکار ہوا ہے۔ ہوائی اڈے پر لیبیا کی قومی فوج کے سربراہ جنرل خلیفہ حفتر کی فوج کی طرف سے بمباری بھی کی جاتی رہی ہے۔
