بیجنگ(آن لائن) چین میں طوفانی بگولے نے تباہی مچا دی ،جس سے گھروں کی چھتیں اڑ گئیں، مواصلاتی نظام درہم برہم ہو گیا، مختلف حادثات کے نتیجے میں 6افراد ہلاک جبکہ سیکڑوں زخمی ہو گئے ہیں ۔چینی خبر رساں ادارے کے مطابق جمعرات کے روز الصبح صوبہ لیاوننگ میں طوفانی بگولے نے تباہی مچا دی ، طوفانی بگولے کی تباہی کے نتیجے میں 6افراد

ہلاک جبکہ سیکڑوں زخمی ہو گئے ،بگولے کی زد میں آنے سے کئی گھر اور عمارتیں ملبے کا ڈھیر بن گئیں جبکہ کئی فیکٹریاں بھی لپیٹ میں آ گئیں، طوفانی بگولا 15منٹ تک تباہی مچاتارہا جس سے پاور لائنز کو بھی نقصان پہنچا۔ریسکیواہلکاروں کے مطابق متاثرہ عمارتوں سے 210 افراد کو محفوظ مقام پرمنتقل کیا گیا ہے، متاثرہ علاقوں میں امدادی کارروائیاں جاری ہیں۔

موضوعات:چین،طوفانی بگولا،تباہی،ہلاکتیں،زخمی