نئی دلی(اے این این ) بھارت میں انتہا پسندی کاایک اور واقعہ پیش آیا ہے جب گڑگائوں میں ہولی کے دن کرکٹ کھیلنے پر مسلمان خاندان پر بد ترین تشدد کیا گیا۔چالیس افراد نے مسلمان خاندان پر دھاوا بولتے ہوئے انہیں ڈنڈوں، لوہے کی راڈز، ہاکی اور پائپوں سے مارا اور پاکستان چلے جانے کی دھمکی بھی دیتے ہوئے کہا کہ ہولی پر کرکٹ کھیلنا ہے تو پاکستان جائو۔بھارتی شہر گڑگاوں میں گھر کے باہر کرکٹ کھیلنے پر 40 انتہا پسندوں نے ایک مسلمان

گھرانے پر دھاوا بول دیا، واقعے کی ویڈیو سوشل میڈیا پر وائرل ہوگئی۔سوشل میڈیا پر بھارتی شہریوں نے مودی سرکار کو آڑے ہاتھوں لیتے ہوئے سوال کیا ہے کہ کیا یہی ہے مودی سرکار کے بھارت کا اصل چہرہ؟۔بھارتی میڈیا کے مطابق انتہا پسندوں نے گلی میں کرکٹ کھیلنے پر تکرار پر گھر میں گھس کر توڑ پھوڑ کی، اہل خانہ کو تشدد کا نشانہ بنایا،لاٹھیوں، ہاکیوں، لوہے کے ڈنڈوں اورپائپوں سے مارا، تشدد سے اہل خانہ میں سے ایک شخص بے ہوش ہو گیا۔

موضوعات:حملہ