واشنگٹن(انٹرنیشنل ڈیسک )امریکا نے شمالی اور جنوبی کوریا کی قیادت کے درمیان طے پانے والے تخفیف اسلحہ کے معاہدے کا خیر مقدم کرتے ہوئے شمالی کوریا کے ساتھ فوری مذاکرات پر آمادگی ظاہر کی ہے۔غیرملکی خبررساں ادارے کے مطابق امریکی وزیر خارجہ مائیک پومپیو کی جانب سے جاری کردہ ایک بیان میں کہا گیاکہ وہ شمالی اور جنوبی کوریائی ملکوں کی قیادت کی حالیہ ملاقات اور پیانگ یانگ کی جانب سے خطرناک ہتھیاروں

کی تلفی کے اعلان کا خیر مقدم کرتے ہیں۔ اس اعلان کے بعد امریکا بھی شمالی کوریا کے ساتھ مذاکرات کے لیے تیار ہے تاکہ جنوری 2021ء تک شمالی کوریا کے جوہری ہتھیاروں کو مکمل طورپر تلف کیا جاسکے۔خیال رہے کہ شمالی کوریا نے غیر ملکی ماہرین کی موجودگی میں اپنی میزائل تنصیبات مستقل طور پر ختم کرنے پر آمادگی ظاہر کرتے ہوئے کہا ہے کہ اگر امریکا بھی ایسا ہی اقدام اٹھائے تو وہ اپنی مرکزی جوہری تنصیب بھی بند کرنے پر تیار ہے۔

موضوعات:شمالی کوریا،مائیک پومیپو،تعلقات،جوہری معاہدہ،پیانگ یانگ